Podes descargar aquí o manual de identidade corporativa do CiTIUS (en español). Nesta páxina poderás atopar información sobre os logotipos necesarios e a tipografía corporativa.

A acreditación asociada ás axudas para a acreditación, estruturación e mellora de centros de investigación do Sistema Universitario de Galicia esixe o cumprimento dunha normativa de publicidade asociada aos fondos FEDER.

Dada a complexidade da normativa recollida nas Instrucións de publicidade, aconsellamos aos investigadores do CiTIUS que contacten coas Unidades de Xestión do Coñecemento e Transferencia e/o Infraestruturas para asesorarse sobre o seu correcto cumprimento.

De forma xeral, todo documento, software, web e calquera outro material publicado polo CiTIUS debe ter os logos dos Fondos Europeos, a Unión Europea, a Rede CIGUS, a Xunta de Galicia, o CiTIUS e a USC, seguindo as directrices expostas nesta páxina, en cumprimento coa instrución da Xunta. Actualmente, a utilización do logo Campus Vida queda excluída debido á súa extinción.

Ademais de incluír o logo do CiTIUS (que podes descargar máis abaixo)e da Universidade de Santiago de Compostela (que podes atopar aquí), debes incluír os seguintes logos no pé de páxina:

O logo da rede CiGUS ten unha serie de especificacións que deben seguirse no seu uso. Podes descargar a continuación o seu manual de uso.

As tipografías oficiais do CiTIUS son Manrope (tipografía principal, que podes descargar a continuación) e Segoe, que está preinstalada en Microsoft.