Podes descargar aquí o manual de identidade corporativa do CiTIUS (en español).

A acreditación asociada ás axudas para a acreditación, estruturación e mellora de centros de investigación do Sistema Universitario de Galicia esixe o cumprimento dunha normativa de publicidade asociada aos fondos FEDER.

Dada a complexidade da instrución completa, aconsellamos aos investigadores do CiTIUS que contacten coas Unidades de Xestión do Coñecemento e Transferencia e/o Infraestruturas para asesorarse sobre o seu correcto cumprimento.

De forma xeral, todo documento, software, web e calquera outro material publicado polo CiTIUS debe ter os logos da Unión Europea, a Xunta de Galicia, o logo do CiTIUS, o da USC e o do Campus Vida, seguindo as directrices expostas nesta páxina, en cumprimento coa instrución da Xunta.

Tamén é necesario incluir o texto FONDO EUROPEO DE DESENVOLVEMENTO REXIONAL “Unha maneira de facer Europa”.

O logotipo do CiTIUS debe usarse nun tamaño inferior ao do logotipo principal do traballo donde se expoña, no caso de que o teña, e con certa separación, de forma que non pareza o logotipo principal nin parte deste.

En caso de ir xunto co logo do CiTIUS, o logotipo da USC e o de Campus Vida deben de ter o mesmo alto que o logo do CiTIUS.

O logo da Xunta de Galicia debe estar aliñado coa banderia do logo da Unión Europea. O resto de logos que os acompañen deben ir a súa dereita e centrados verticalmente co logo da Xunta de Galicia.

No caso de ir todos os logos no mesmo lugar, o logo máis grande debe ser o da Xunta de Galicia e o da Unión Europea. O resto, incluindo tamén o do CiTIUS, deben ter como máximo o tamaño do logo da Xunta de Galicia e o da Unión Europea.

O formato para a apertura dun documento, ou na parte superior de calquera tipo de material de comunicación, é o seguinte:

- Deberase situar na parte superior esquerda, abrindo o documento, en primeiro lugar o logotipo da identidade corporativa da Xunta de Galicia, a continuación colocarase o logotipo da Unión Europea

- O emblema da UE (sen incluír a referencia á UE) co que se conforma o logotipo debe ser da mesma altura que o emblema de Xunta de Galicia.

- Despois se procede o logotipo do Goberno de España e os logotipos do resto de entes se situarán á esquerda da marca xacobeo 21-22 , en orde de maior importancia, de esquerda a dereita.

Exemplo de utilización de logotipos da Xunta de Galicia e Unión Europea:

Exemplo utilización de logotipos da Xunta de Galicia, Unión Europea e universidades:

O formato do peche dun documento, ou na parte inferior de calquera tipo de material de comunicación, é o seguinte:

- Deberase situar na parte inferior dereita, pechando o documento, en primeiro lugar o logotipo da Xunta de Galicia, seguido do logo da Unión Europea á súa esquerda. A continuación situaríanse os resto de logotipos e marcas.

- O tamaño e escala dos logotipos segue o mesmo criterio que o establecido anteriormente

Exemplo de utilización de logotipos da Xunta de Galicia e Unión Europea:

Exemplo de utilización de logotipos da Xunta de Galicia, Unión Europea e Universidades:

Nos medios electrónicos é obrigatorio poñer os logos en cor. Nos medios non electrónicos, é posible utilizar versións en branco e negro segundo as guías da Xunta de Galicia, a Unión Europea e os organismos correspondentes.

As instruccións cambiaron respecto a anos anteriores e xa non se pueden utilizar os antigos logos de FEDER. A disposición correcta é o anagrama da bandeira co texto UNIÓN EUROPEA debaixo. O texto Fondo Europeo de Desenvolvemento Rexional “Unha maneira de facer Europa” non pode ir ao seu lado.