Esta é unha revisión antiga do documento!
Impresoras e Fotocopiadora/Escáner
As impresoras só están dispoñibles a través da rede cableada, non da wifi. Se queres acceder ás impresoras a través da wifi, precisas estar conectado á VPN.
Listaxe de impresoras a disposición dos investigadores
| Nome | Modelo | IP | Localización |
|---|---|---|---|
| ctprints1.citius.gal | Xerox VersaLink B400 | 192.168.196.148 | Corredor do semisoto |
| ctprint01.citius.gal | Xerox VersaLink B400 | 192.168.196.149 | Corredor da planta baixa |
| ctprint03.citius.gal | Xerox VersaLink C405 | 192.168.196.153 | Secretaría (COLOR) |
| ctprint11.citius.gal | Xerox VersaLink B400 | 192.168.196.151 | Corredor do primeiro andar |
| ctprint21.citius.gal | Xerox VersaLink B400 | 192.168.196.152 | Corredor do segundo andar |
| ctprint05.citius.gal | HP LaserJet P4015 (antiga) | 192.168.196.155 | Corredor da planta baixa |
Impresión en cor
A única impresora na que os investigadores poden imprimir en cor é a ctprint03. Débense recoller os traballos impresos en secretaría nas horas nas que está aberta.
Bandexas e papel
Xerox VersaLink B400
As bandexas están configuradas do seguinte xeito:
- Bandexa 1: Papel branco
- Bandexa 2: Papel reciclado
A bandexa por defecto é a 1, polo que, se non se selecciona a bandexa, a impresora imprimirá empregando papel branco. Se se desexa imprimir en papel reciclado, compre seleccionar a bandexa 2 ou o tipo de papel.
No armario hai dispoñible papel branco e reciclado. No caso de rematarse, os investigadores poden pedir que se repoña en portería.
HP LaserJet p4015x
As bandexas están configuradas do seguinte xeito:
- Bandexa 1 (Bandexa manual): Calquera tipo (seleccionar o tipo de papel á hora de imprimir)
- Bandexa 2: Papel branco
- Bandexa 3: Papel reciclado
A bandexa por defecto é a 3, polo que, se non se selecciona a bandexa, a impresora imprimirá empregando papel reciclado. Se se desexa imprimir en papel branco, compre seleccionar a bandexa superior.
No armario hai dispoñible papel branco e reciclado. No caso de rematarse, os investigadores poden pedir que se repoña en portería.
Xerox VersaLink C405
As bandexas están configuradas do seguinte xeito:
- Bandexa 1: Papel branco
- Bandexa 2: Papel reciclado
Cambio de tóner
A impresoras avisan que o tóner estase a esgotar cando aínda pode imprimir unhas 200 páxinas. O tóner cambiarase cando a impresora comece a presentar impresións de baixa calidade, e non cando a impresora presente o aviso.
Para cambiar o tóner, débese avisar á Unidade de Xestión de Infraestruturas TIC a través do formulario de incidencias.
Instrucións da Fotocopiadora/Escáner
Drivers e instalación
Windows 10
Primeiro, hai que pulsar en «Agregar impresora» e logo en «La impresora que deseo no está en la lista» que aparece tras uns segundos.
Na nova ventá, hai que elexir a terceira opción: «Agregar una impresora por medio de una dirección TCP/IP o un nombre de host».
É importante deixar posta a detección automática e asegurarse de que está marcada a consulta á impresora do controlador. Débese escribir a dirección IP da impresora desexada ou o seu nome completo.
O resto do proceso é automatizado. No último paso, é preferible seleccionar non compartir a impresora.
Ubuntu, MacOS X e outros sistemas
Para sistemas que utilizan CUPS, é recomendable utilizar os seguintes arquivos PPD para as impresoras Xerox: