Redireccións web mediante proxy inverso que permiten acceder dende fora do centro a aplicacións, en entorno de probas ou de producción, que estean instaladas en servidores da rede do centro, como por exemplo en CloudStack.

Debe solicitarse unha nova alta por cada redirección, mediante o formulario de peticións e incidentes. Para acceder ó formulario precisas o teu usuario e contrasinal da identificación CITIUS. Se tes problemas recordando o usuario ou o contrasinal, podes solicitar unha reactivación en citius.tic@usc.es.

Non olvides especificar:

• A URL completa de acceso dende dentro do centro.
• Se desexas acceso HTTP, HTTPS ou ambos.
• O dominio de acceso, que pode ser demos.citius.usc.es ou tec.citius.usc.es.
• A ruta completa de acceso dende fora, que pode ser igual ou diferente á de dentro.
• Se precisas algunha característica especial (arquivos grandes, timeouts elevados, SPDY, websockets, etc.).
• Data de expiración (se a tivera, se non é así darase por suposto un ano)

Recibirás a confirmación da alta por correo electrónico. Pasada a data de expiración, o persoal de administración porase en contacto de novo contigo para saber se debe renovar a redirección por máis tempo ou borrala.

Podes usar este exemplo:

URL actual de acceso dende o centro: http://172.16.244.255:8045/exemplo
URL solicitada dende fora: http://tec.citius.usc.es/exemplo
Acceso: HTTP e HHTPS
Características especiais: Ningunha
Data de expiración: Ningunha