A reserva das salas faise mediante a Aplicación de reservas. É obrigatorio facer a reserva dunha sala antes de utilizala.

As reservas da sala de reunións de dirección e do salón de actos deben ser aprobadas pola secretaría do centro. Márcanse de xeito especial na aplicación de reservas ata que son aprobadas.

O acceso realízase coa tarxeta da USC no caso das salas 1, 2 e 3. Só pode abrir estas salas o persoal do centro con contrato coa USC. A porta desbloquéase ó pasar a tarxeta e volve a bloquearse ó pasala unha segunda vez. É responsabilidade de cada investigador/a pechar o acceso a cada sala de reunións unha vez abandone a sala.

Podes conectar un portátil á rede de datos cableada usando a roseta situada na mesa central. Debes usar os seguintes datos de conexión, segundo a sala na que te atopes:

As salas de reunións contan cun equipo que ten conectado unha webcam e un sistema de microfonía.

• As webcams están colocadas sobre as pantallas e están directamente colocadas aos PCs das salas.
• O sistema de microfonía está baixo a mesa e debe encenderse/apagarse co pulsador que está enriba da mesa.

Só é posible usar o sistema de microfonía e a webcam da sala co propio PC da sala.

É posible realizar videoconferencias a través de Skype, Zoom, Microsoft Teams e Google Meet. Para outras solucións, consulta primeiro.

As mesas das salas de reunións teñen unha conexión HDMI conectada á pantalla da sala. Para elexila, cambia a entrada co mando da TV seleccionando “HDMI MESA”.