A continuación apuntase a política de publicación de acceso aberto para algunhas das editoriais máis habituais. Irase actualizando esta política con novas editoriais a demanda dos investigadores.

Pode consultarse a política de ACM neste enlace. Nesta FAQ pódense atopar diversas respostas acerca da publicación nas revistas de ACM. Antes do envío á revisión de ACM, os autores poden publicar un pre-print do seu traballo en ArXiv.

Unha vez aceptado, ACM permite a publicación da versión aceptada dos traballos nas páxinas persoais, institucionais e en calquera repositorio que sexa obrigado por normativa legal.

ACM inclúe tamén o servizo AUTHOR-IZER que permite aos autores incluír un link nas súas webs que permite aos visitantes descargar a versión final da publicación sen custo. ACM non considera a publicación por acceso aberto previo pago. De todos os xeitos, ACM ofrece algunhas revistas abertas: Ubiquity, eLearn Magazine, etc.

A continuación sintetizamos a política xeral de Elsevier.

Con respecto aos preprints, Elsevier permite o seu uso persoal, institucional e a súa publicación en repositorios abertos. Elsevier non interpreta que un preprint depositado nun arquivo público é unha versión previa dunha publicación, polo que ao interpretarse que é unha versión independente non se producirán violacións do copyright.

Elsevier permite o uso persoal, institucional e a publicación en sitios web abertos das versións aceptadas para a publicación, sempre que non sexa con fins comerciais ou distribución sistemática. A publicación en repositorios abertos, tales como PubMed Central ou repositorios institucionais só se permite de existir acordos específicos entre o repositorio e Elsevier. Elsevier permite a publicación de versións aceptadas para a publicación en ArXiv. Unha vez publicado, débese incluír no traballo o recoñecemento que aparece ao final deste apartado.

Elsevier tamén permite o uso persoal e institucional das versións publicadas. Non permite a súa publicación na web nin en repositorios.

Elsevier conta cunha subdivisión de revistas de acceso aberto, con prezos por artigo no rango entre os 500 dólares e os 5.000 dólares, dependendo da revista.

Ademais, neste momento Elsevier facilita a publicación de artigos acceso aberto en máis de 1.600 revistas.

Recoñecemento á versión publicada: “NOTICE: this is the author’s version of a work that was accepted for publication in <Journal title>. Changes resulting from the publishing process, such as peer review, editing, corrections, structural formatting, and other quality control mechanisms may not be reflected in this document. Changes may have been made to this work since it was submitted for publication. A definitive version was subsequently published in PUBLICATION, [VOL#, ISSUE#, (DATE)] DOI#ÂÂÂÂÂÂÂÂÂÂÂÂÂ

A continuación sintetizamos a política de publicación de IEEE. A política de diseminación pode consultarse neste enlace. A seguinte FAQ dá resposta a algunhas das cuestións que poden xurdir cando se publica en IEEE. IEEE conta ademais cunha lista de repositorios aprobados de terceiras partes sen ánimo de lucro, nos cales se permite a publicación de preprints dos traballos de forma previa ao seu envío para revisión por IEEE.

Con respecto aos preprints, IEEE recoñece a publicación na web persoal, institucional e nos repositorios públicos aprobados.

Unha vez enviados para revisión, os autores deben actualizar as versións previas publicadas cun anuncio de copyright que aparece ao final desta sección.

Unha vez publicados, os autores deben reemplazar as versións previas publicadas cunha das seguintes opcións:

• A cita completa ao traballo, co DOI.
• A versión aceptada co DOI. IEEE poñerá a disposición dos autores a versión aceptada do traballo co DOI, o anuncio de copyright, e un aviso de que o artigo foi aceptado para a súa publicación en IEEE.

Por outra banda, IEEE permite aos autores seguir as obrigacións das axencias que financian a investigación, publicando versións aceptadas do seu traballo nos repositorios públicos destas axencias. De igual forma, IEEE permite o uso persoal e institucional das versións aceptadas para a publicación.

IEEE conta cunha subdivisión de revistas de acceso aberto así como de revistas híbridas, que permiten a publicación tanto por acceso aberto como por subscripción. Para revistas de acceso aberto, os custos empezan a partir de 1.350 dólares, mentres que para revistas híbridas en 1.750 dólares. Pode consultarse aquí a política de custos de IEEE.

Anuncio de copyright: “© © 20xx IEEE. Personal use of this material is permitted. Permission from IEEE must be obtained for all other uses, in any current or future media, including reprinting/republishing this material for advertising or promotional purposes, creating new collective works, for resale or redistribution to servers or lists, or reuse of any copyrighted component of this work in other works.”

A FAQ de IOP Publishing ofrece a información acerca da publicación de preprints e versións aceptadas. En todo caso, remite ás revistas específicas para información máis precisa.

En xeral, IOP Publishing permite a publicación en ArXiv de preprints de traballos. Trala publicación, débese engadir un recoñecemento á versión impresa. De igual xeito, IOP permite a publicación de preprints na web persoal, incluíndo sempre o seguinte recoñecemento:

Recoñecemento: “This is an author-created, un-copyedited version of an article accepted for publication/published in [insert name of journal]. IOP Publishing Ltd is not responsible for any errors or omissions in this version of the manuscript or any version derived from it. The Version of Record is available online at [insert DOI].

Tamén se permite a publicación das versións aceptadas nas web institucionais e outros repositorios, tras un embargo de 12 meses. Neste caso, o recoñecemento a incluír é o seguinte:

Recoñecemento: “This is an author-created, un-copyedited version of an article published in [insert name of journal]. IOP Publishing Ltd is not responsible for any errors or omissions in this version of the manuscript or any version derived from it. The Version of Record is available online at [insert DOI].”

Pódense consultar as opcións para a publicación de acceso aberto de IOP neste enlace.

Pode consultarse aquí a política de Oxford.

Preprints: Na maioría das revistas de Oxford, os autores teñen o dereito a publicar os preprints na web da súa institución, a súa web persoal, ou en servidores públicos, incluíndo un recoñecemento. En todo caso, a política específica depende de cada revista concreta, e debe consultarse.

Recoñecemento de aceptación: This article has been accepted for publication in [Journal Title] ©: [year] [owner as specified on the article] Published by Oxford University Press [on behalf of xxxxxx]. All rights reserved.

Unha vez publicado e sempre que sexa posible, débese actualizar o recoñecemento:

Recoñecemento de publicación: This is an un-refereed author version of an article published in [include the complete citation information for the final version of the Article as published in the print edition of the Journal.].

Versións aceptadas: os autores poden subir as versións aceptadas dos seus traballos a repositorios institucionais, tras un embargo de 12 meses. Débese incluír o seguinte recoñecemento.

Recoñecemento: This is a pre-copyedited, author-produced PDF of an article accepted for publication in [insert journal title] following peer review. The definitive publisher-authenticated version [insert complete citation information here] is available online at: xxxxxxx [insert URL that the author will receive upon publication here].

En este enlace pódese consultar a política de open journals de Oxford. Oxford utiliza licenzas creative commons, dependendo da revista. A seguinte lista recolle o conxunto de revistas de Oxford que permiten a publicación de acceso aberto para artigos concretos.

Como exemplo, o Computer Journal inclúe a opción de acceso aberto, con Creative Commons Attribution licence (CC-BY), cun cargo de 2275 euros.

Pode consultarse aquí a política xeral de Springer.

Springer permite o auto-arquivo das versións aceptadas dos traballos. Tamén, permite a publicación do artigo en calquera repositorio, sempre que só se faga público 12 meses trala publicación ou máis adiante. Requírese que o autor recoñeza a fonte orixinal da publicación e que se insira un link ao artigo publicado por Springer (ver abaixo).

Os preprints do artigo publicadas en servidores non comerciais, tales como arXiv, poden permanecer nos servidores e/ou poden ser actualizadas coa versión aceptada do autor. Débese inserir o seguinte link de recoñecemento ao traballo:

Anuncio de publicación: The final publication is available at Springer via http://dx.doi.org/[insert DOI]?.

Interpretamos que as versións previas dos traballos poden permanecer nos servidores nos que se publicaron, sempre facendo referencia á versión publicada. Con todo, unha vez publicado un traballo, débese esperar o embargo de 12 meses antes de subir unha nova versión a un repositorio.

Springer conta cunha liña de revistas abertas. Springer tamén permite publicar artigos abertos. O custo, excluídas as taxas, é de 3.000 dólares.

A política de Wiley con respecto á publicación de versións previas e aceptadas pode consultarse neste enlace.

Para a maior parte das publicacións, Wiley permite o auto-arquivado dos traballos, permitindo desta forma a publicación de preprints na súa web persoal ou institucional ou nunha lista de repositorios que aparecen especificados na web anterior (incluíndo arXiv). Débese incluír o seguinte recoñecemento:

Recoñecemento: “This is the pre-peer reviewed version of the following article: [FULL CITE], which has been published in final form at [Link to final article].

Os autores tamén poden publicar a versión aceptada dos traballos nas súas páxinas persoais, web institucionais ou en repositorios sen ánimo de lucro aceptados por Wiley. Débese aplicar un embargo de 12 meses para publicacións técnicas. Neste caso, o recoñecemento a incluir é o seguinte:

Recoñecemento: This is the accepted version of the following article: [full citation], which has been published in final form at [Link to final article]. In addition, authors may also transmit, print and share copies with colleagues, provided that there is non systematic distribution of the submitted version, e.g. posting on a listserve, network or automated delivery.