Instalación, mantemento e soporte técnico dun sistema operativo Ubuntu 16.04 modificado polo CITIUS. Polo de agora, atópase en fase de probas.

Para comunicar problemas, dúbidas ou facer suxestións, empregarase a canle #ubuntu1604 do Slack do CiTIUS. O sistema dispón dun applet de notificacións para novidades sobre software, actualizacións, etc.

O sistema conta con varios repositorios adicionais aos da Ubuntu 16.04, co seguinte software xa instalado por defecto:

• Java 8 de Oracle
• Telegram, Scudcloud (Slack)
• Dropbox
• Skype 4.3
• Virtualbox 5.1
• Repositorio oficial de R (engadido o 19-04-2017)

Podes solicitar a instalación de software adicional ou axuda para instalar software adicional á Unidade de Xestión de Infraestruturas TIC, pero tamén podes facelo por ti mesmo se queres.

Antes de instalar CUDA 8.0, comproba que a túa gráfica sexa compatible. Se non, pode que precises instalar unha versión anterior.

Segue os pasos descritos en https://developer.nvidia.com/cuda-downloads (Elixe Linux → x86_64 → Ubuntu → 16.04 → deb (network)).

Tras facer estes pasos, deberás reiniciar o sistema. Se tes problemas, pide axuda.

Para instalar a versión R2012a, executa install-matlab_R2012a.sh nunha terminal, ou elixe a opción Instalación de Matlab 2012a no lanzador de aplicacións.

A versión de 2017 aínda non se pode instalar, pero poderase proximamente.

install-matlab_R2012a.sh

Para instalar a versión 17, executa install-maple17.sh nun terminal, ou elixe a opción Instalación de Maple 17 no lanzador de aplicacións.

install-maple17.sh

O repositorio oficial xa está engadido, polo que solo resta instalar o paquete docker-ce.

sudo apt install docker-ce docker-compose