O CiTIUS publica anualmente unha oferta de bolsas de verán dun mes dirixida a estudantes de últimos cursos ou recén licenciados. Os estudantes seleccionados desenvolverán un proxecto de inicio a investigación no CiTIUS durante o mes de Xullo: * Os investigadores do CiTIUS interesados na captación de posibles bolseiros, poderán facer todas as propostas de proxectos que consideren oportunas. * Os bolseiros beneficiarios das bolsas seleccionarán un proxecto de investigación de entre os propostos polos investigadores do Centro por orde de expediente académico. Os bolseiros terán total liberdade na selección de proxectos, non sendo aceptable a preasignación de proxectos a posibles candidatos. * Os grupos e investigadores poderán asumir o financiamento de bolsas. Estas bolsas serán ofertadas aos estudantes da lista de agarda.

Non se inclúe o caso de que os investigadores do CiTIUS decidan financiar investigadores da lista de agarda, que se xestionará caso a caso.