Sistema operativo Ubuntu 12.04 CITIUS

Instalación, mantemento e soporte técnico dun sistema operativo Ubuntu 12.04 modificado polo CITIUS.

Pode solicitarse a instalación do sistema en calquera equipo conectado á rede de datos do centro a través do formulario de incidencias.

Inclúe un fondo de escritorio e un tema visual para a pantalla de arranque.

O software instalado actualízase automaticamente de forma silenciosa ó arrancar o equipo, como máximo unha vez á semana. En calquera momento podes forzar unha actualización do sistema co comando aptdcon --safe-upgrade.

Pódese instalar software adicional sen intervención dun administrador a través do Centro de Software de Ubuntu ou da ferramenta de liña de comandos aptdcon. Máis abaixo atoparás unha guía rápida de aptdcon.

O software descárgase e instálase dun repositorio situado no CITIUS, no que se fai un filtrado de tipo lista branca. Isto quere dicir que non todo o software que aparece no Centro de Software de Ubuntu está dispoñible para instalar de forma directa. O software que non teña un botón de Instalar aínda non foi aprobado, e debe solicitarse a súa aprobación a través do formulario de incidencias.

Algún software especial non integrado co sistema de paquetes de Ubuntu pódese instalar igualmente sen intervención dun administrador. Polo de agora o único software dispoñible por esta vía é:

• Matlab R2012a
• Matlab R2011a
• Maple 16
• WFDB 32 bits (inclúe WAVE)

Para instalalos, busca o instalador en Unity.

O software non dispoñible por ningunha destas vías debe solicitarse a través do formulario de incidencias.

O login no sistema faise coa conta do CITIUS.

Os datos da sesión almacénanse no espazo persoal do almacenamento compartido mediante NFS montado en /home/remoto. Este almacenamento tamén está accesible a través de SSH e SMB/CIFS. Os usuarios tamén contan cun directorio local en /home/local onde almacenar máis datos, pero sen copias de seguridade. Os directorios de proxectos tamén se montan automaticamente en /home/proyectos.

Podes solicitar axuda ou soporte a través do formulario de incidencias ou, de forma excepcional para casos urxentes, no teléfono 16409.

Este programa permite instalar paquetes dispoñibles no repositorio. Antes de comezar, actualiza o listado de paquetes dispoñibles co seguinte comando:

aptdcon -c

Precisas saber o nome do paquete que queres instalar. Podes buscalo coa ferramenta apt-cache se non estás seguro. Por exemplo, se queres buscar dropbox, debes executar:

apt-cache search dropbox

Vemos que o nome do paquete é dropbox. Para instalalo pois, só resta executar:

aptdcon -i dropbox

Se ves este mensaxe de erro:

ERROR: org.debian.apt.TransactionFailed - error-cache-broken:  Os seguintes paquetes teñen dependencias incumpridas:

Proba a facer:

aptdcon --fix-depends

e logo volve a intentalo.

O home remoto non se almacena directamente no espazo persoal do almacenamento compartido, senón que se almacena en local, e un script encárgase de realizar a sincronización co almacenamento compartido.

Todo o home remoto almacénase no subdirectorio linux-home do almacenamento compartido. Tamén se crea un arquivo chamado .linux-home_synchistory para informar dende que equipos se fixo sincronización e cando.

A sincronización realízase de forma bloqueante ó iniciar e pechar sesión gráfica, e tamén de fondo e con baixa prioridade durante a sesión, cada 30 minutos. O estado desta sincronización pode consultarse co icono indicador do panel superior. Tamén se pode configurar o comportamento da sincronización de fondo.

Ao iniciar e pechar sesión por consola ou SSH, tamén se pode facer a sincronización, pero neste caso non se fai de fondo, e debe lanzarse manualmente co comando sincronizar-home-remoto.sh.

Se nunca sincronizaches o home remoto nun equipo, tanto se entras nunha sesión gráfica coma por SSH ou consola, o sistema preguntará se queres sincronizar o home, ou queres montalo directamente facendo un enlace. Esta pregunta repetirase sempre nese equipo, a non ser que elixas a opción de sincronizar. Se queres iniciar sesión noutro equipo momentaneamente, é máis rápida a opción de enlazar.

Despois de estar 6 meses sen iniciar sesión nun equipo, o home remoto bórrase dese equipo, e para volver a utilizalo deberás sincronizalo de novo dende o servidor.

O keyring de Gnome non se desbloquea se a sesión tarda máis de 2 minutos en abrirse, e terás que introducir o contrasinal de novo.

Podes instalar a extensión PDF Viewer que utiliza PDF.js, o mesmo visor que utiliza Firefox.

Avisa no teléfono 16409 (Jorge).

En «Preferencias de Sistema» elixe «Idioma da sesión». Abrirase un diálogo para elixir idioma. A selección terá efecto unha vez cerres e volvas a abrir a sesión.

Si, aínda que a maioría non está instalado por defecto, os usuarios poden optar por instalar dende o Centro de Software Ubuntu programas solicitados anteriormente coma skype, mendeleydesktop ou spotify.

Si, os sistemas contan con Virtualbox 4.2. Unha vez despregado o sistema, podes instalar sistemas virtualizados, ou solicitarnos a instalación dunha máquina con Windows XP de 32 bits, sempre que o equipo conte cunha licenza de Windows.

Si. Tamén está dispoñible a sesión «Gnome clásico», que é unha versión simplificada do contorno que podíades atopar en Ubuntu 10.04. Para utilizala, na pantalla de login preme no botón co logotipo de Ubuntu preto da casilla onde introduces o nome de usuario, e elixe a opción correspondente.

Tamén podes instalar máis contornos a través do Centro de Software de Ubuntu. Na data de escribir esto, están dispoñibles os seguintes contornos:

• KDE
  • Instala o paquete escritorio-kde-minimo se só desexas un escritorio moi básico.
  • Instala o paquete escritorio-kde-basico se ademáis queres aplicacións básicas de KDE.
  • Instala o paquete escritorio-kde-completo se ademáis queres instalar todas as aplicacións de KDE dispoñibles (coidado, instala moitas aplicacións).
• LXDE
  • Instala o paquete lxde
• I3-WM
  • Instala os paquetes i3-wm, i3status e suckless-tools.

Ubuntu intenta recuperar a configuración visual que tiña na versión anterior, pero con algunhas cousas como as decoracións de ventana, non fai moi bo traballo. Para volver ó tema por defecto, fai clic dereito no escritorio e escolle «Cambiar fondo de pantalla». Alí, na parte inferior, selecciona un tema visual calquera (por exemplo Radiance) e logo volve a seleccionar Ambiance.

Co comando apagar-equipo pódese apagar o equipo de forma sinxela.

Podes programar o comando a unha hora determinada con cron, ou graficamente con gnome-schedule. Instala gnome-schedule dende o Centro de Software de Ubuntu e execútao. Crea unha nova entrada recurrente, pon a orde /usr/local/bin/apagar-equipo, e elixe a hora desexada. É importante que establezas a orde coa ruta completa.

O comando só funciona se:

• Estás logeado fisicamente no mesmo equipo de forma gráfica. Nese caso, aparecerá unha ventana para confirmar e agardará 60 segundos antes de apagar.
• Ou ben estás logeado remotamente por SSH e non hai outros usuarios logeados na máquina. Nese caso, apagará de inmediato.

Este é un fallo coñecido de Ubuntu. Para correxilo, debes instalar un plugin de Netbeans. Vai a Tools » Plugins. Alí, na lapela Settings preme en Add, e engade o seguinte:

• Name: Java Ayatana
• URL: http://java-swing-ayatana.googlecode.com/files/netbeans-catalog.xml

Unha vez fagas isto, na lapela «Available Plugins» instala o plugin «Java Ayatana».

En algunhas ocasións, debido a que é un paquete un pouco especial, é posible que unha actualización silenciosa de Flash falle. Para tentar solucionalo, podes executar este comando nunha terminal:

  aptdcon -u flashplugin-installer

Se o problema persiste, envía unha incidencia.

No dash de Unity, busca a aplicación Menú principal. Alí verás todos os accesos directos do sistema e os do teu usuario, por categorías.

Para crear un novo lanzador, selecciona a categoría desexada e preme en Novo elemento. Unha vez engadido, debería aparecer no dash de Unity. Arrastra entón o lanzador desde Unity ó panel ou ó escritorio se o queres poñer nalgún deses sitios.

Algúns controladores de vídeo (NVIDIA, AMD) non soportan correctamente a extensión XDAMAGE precisa para actualizar a pantalla selectivamente e así mellorar a velocidade da conexión remota, non só non mellorando a velocidade senón empeorándoa considerablemente. Para solucionar isto, podes desactivar o uso da extensión XDAMAGE, ou ben facer uso dun escritorio sen efectos, coma Gnome Clásico (sin efectos).

Para desactivar a extensión XDAMAGE abre o dconf-editor no dash de Unity, e marca a casilla de configuración desktop » gnome » remote-desktop » disable-xdamage.

As novas barras de desprazamento chámanse Overlay Scrollbars, e para cambialas polas tradicionais basta con eliminar o paquete overlay-scrollbar. Se máis adiante queres volver a usalas, podes volver a instalar o paquete overlay-scrollbars.

En lugar de instalar o paquete rjava dende R, instala o paquete r-cran-rjava con aptdcon.

Algúns documentos, tras ser procesados polo lector de documentos evince, non se imprimen correctamente ou deixan a impresora atascada. Unha alternativa é empregar o comando lp, que envía os documentos á impresora sen procesar. Por defecto, lp envía o documento á impresora do teu andar e non imprime a doble cara.

lp -o sides=two-sided-long-edge archivo.pdf # imprime a doble cara
lp -P 12,15,17-20 archivo.pdf # imprime só páxinas 12,15 e 17 a 20
lp -o number-up=4 -o fit-to-page -o number-up-layout=rltb archivo.pdf # imprime 4 páxinas por folla, de arriba a abaixo e de esquerda a dereita, escalando para ocupar o máximo posible
lp -d ctprints1  archivo.pdf # Imprime na impresora do semisoto
lpstat -a # ver a lista de impresoras dispoñibles

As opcións poden combinarse. Por exemplo, para imprimir a doble cara na impresora a color de secretaría, só as páxinas 7 e 8 dun documento:

lp -d ctprint03 -P 7,8 -o sides=two-sided-long-edge archivo.pdf

O LaTeX empaquetado para Ubuntu 12.04 non conta coa ferramenta ltmgr que se utiliza para instalar paquetes pero pode facerse manualmente. Por exemplo, para instalar pgfgantt:

mkdir -p ~/texmf/tex/latex
cd texmf/tex/latex/
wget http://mirrors.ctan.org/graphics/pgf/contrib/pgfgantt.zip
unzip pgfgantt.zip
rm pgfgantt.zip
cd pgfgantt/
latex pgfgantt.ins
latex pgfgantt.dtx
mktexlsr

Despois disto, xa podes utilizar o paquete pgfgantt con normalidade. Se prefires utilizar ltmgr debes actualizar a Ubuntu 14.04.